O carrinho de compras está vazio!
Categorias
Lançamentos
Nanetto nel Mondo
Preço: R$ 28,00
Qtd:
- OU -
Lista de Desejos
Comparar
Comparar
Naneto el ze na idea, un personaio che rapresenta pi de 20 milioni de taliani che, del 1875 al 1914, i ga tolto su un fagotin de trapèi che i gavea casa e i se ga messo in giro, inserca del posto dove meter do el corpo, e far la vita, sia storta, sia drita. Se pol dir che’l primo Nanetto i ze stai Adamo e Eva, che, medi inseminìi, i se ga incantà del fruto dea vita e dea morte, come Nanetto, davanti na bananara, che la ga tolta come se la fusse na pianta de salami, che saria na fassilità come pescar sensa lami. Idee in testa, forsa tei brassi, tanto amor nel cor, tuto in forma de coraio e aventura, eco Nanetto ga fato par i òmeni, e el vol sénterlo e cognósserlo tuto, in tuti i tempi, posti, pòpoli e culture.
Nanetto, se fusse darghe el sopranome de profeta, el saria un profeta roverso, parchè come mostra Nanetto nel Mondo, invense de profetisar el doman, el profetisa el ieri, par viver el oncó. Parché scaldar le rece col doman? Dasselo rivar, dopo vedremo cosa far. El geri toca conquistarlo, el oncó toca farlo, el doman toca spetarlo, così pensa lu. Mi son mi, ti te sì ti, lu el ze lu, e tuti insieme semo nantri, tuti diversi, tuti nanetti e a la so maniera par darghe al mondo el color e la fácia mia, tua, de elo, de ela e nostra. Se lu el ze el Nanetto nel Mondo, nantri insieme semo i Nanetti del Mondo. Se’l mondo fusse na gamba de fior, nantri, i nanetti, sarìssimo i fiori.
Mais Vendidos
